Gürcüstanın Vahid Milli Hərəkat Partiyası dünəndən etibarən parlamentin iclasını boykot edib. Bu barədə Modern.az –a parlamentin azərbaycanlı üzvü, deputat Azər Süleymanov bildirib. Bidzina İvanişvilinn hakimiyyətə gəlməsindən sonra Saakaşvili rejiminə qarşı amansız təzyiqlərin aparıldığını bildirən millət vəkili bundan sonra iclaslara qatılmayacaqlarınıı vurğulayıb.
“Dünəndən etibarən biz Gürcüstan parlamentindəki fəaliyyətimizi dayandırdıq. Yeni hakimiyyətin müxalifətə qarşı təzyiqlərinə etiraz olaraq biz bu addımı atdıq. Müvəqqəti olaraq parlamentin iclaslarından iştirak etməyəcəm”, - deyə deputat bildirib.
Yeni rejimin inqilab yolu ilə hakimiyyətə gəlmədiyini xatırladan A.Süleymanov Bidzina rejimini demokratik olmağa çağırıb.
Anar RÜSTƏMOV
