Sabiq millət vəkili Gülər Əhmədovanın təsisçisi və baş redaktoru olduğu “Mərkəz” qəzetinin fəaliyyəti iki gündü dayandırılıb. Bu barədə Modern.az-a “Mərkəz”qəzetinin redaktoru Coşqun Calaloğlu məlumat verib. Redaktor “Mərkəz” qəzetinin fəaliyyətinin yenidən bərpa olunacağın gözlənildiyini deyib:
“Artıq qəzetimiz fəaliyyətini dayandırıb. Gülər Əhmədova səhhəti ilə əlaqədar olaraq qəzetlə maraqlana bilmirdi. Bu üzdən də qəzetin bütün yükü kollektivin üzərinə düşmüşdü. Gülər xanım “Mərkəz” qəzetində olmadıqda belə, dostumuz olaraq qalmaqdadır. “Məkəz” qəzetinin fəaliyyətinin dayandırmasına daha çox maliyə problemləri səbəb oldu. Buna baxmayaraq, qəzetin fəlaiyyətinin yenidən bərpa olunacağı gözlənilir”.
Qeyd edək ki, Azərbaycan Beynəlxalq Universitetin sabiq rektoru Elşad Abdullayevin sabiq millət vəkili Gülər Əhmədova ilə bağlı yaydığı videoqalmaqaldan sonra, Gülər Əhmədova deputatlıqdan imtina etdi. Daha sonra isə sabiq deputat Yeni Azərbaycan Partiyasından (YAP) uzaqlaşdırıldı.
Mail Ağaxanov