Prezident İlham Əliyev Azərbaycan mədəniyyətinin inkişafına qiymətli töhfə verən, bu sahədə müstəsna xidmətləri olan böyük Azərbaycan bəstəkarı Üzeyir Hacıbəylinin 125 illik yubileyinin keçirilməsi haqqında Sərəncam imzalayıb. Dövlət başçısı Üzeyir Hacıbəylinin 125 illik yubileyinin layiqincə qeyd olunmasını təmin etmək məqsədi ilə Mədəniyyət və Turizm, Təhsil nazirliklərinə, Azərbaycan Milli Elmlər Akademiyasına Respublika Bəstəkarlar İttifaqının təkliflərini nəzərə almaqla tədbirlər planının hazırlanmasını və həyata keçirilməsini tapşırıb.