Şou-biznesin qalmaqallı müğənnilərindən olan Röya Ayxanın həyat yoldaşından boşanması haqqında xəbərlər səngimək bilmir. Bu məlumatlar artıq müğənnini də bezdirib. Bu barədə Modern.az-a müğəninnin prodüseri Kənan deyib. O bildirib ki, bu işlərin arxasında adını çəkib reklam etmək istəmədiyi bir jurnalist durur:
“Bu xəbərlər bir jurnalist tərəfindən yayılıb. İndi bu yenə başlayıb yaymağa. Yəni başa düşmək bu qədər çətindir ki, bir dəfə yayıldı, hamı gördü ki, bu real deyil. Sadəcə olaraq öz dostlarımızın ağzını yummaq üçün açıqlama da verdik. Bu söhbəti mənasız adamlar edirlər. Röyanın Türkiyədə qalmaq fikri də yoxdur. Röya həmişə deyib ki, “işimlə əlaqədar günümün yarısı orada, yarısı buradadır”. Özü də deyib ki, seçim qarşısında qalsa, ailəyə üstünlük verəcək”.
Şahanə Rəhimli
