Avroviziya təmsilçimiz Fərid Məmmədovun Avropa ölkələri üzrə promo-turuna start verilib. Modern.az xəbər verir ki, təmsilçimizin ilk çıxış etdiyi ölkə İtaliya olub. F. Məmmədov Roma şəhərində təşkil olunan “Azərbaycan 2010 – Gənclərin baxışı” - xaricdə təhsil alan tələbə və məzunların Beynəlxalq Forumunun açılış mərasimində çıxış edib.
Promo-tur çərçivəsində növbəti ölkənin Yunanıstan (Afina) olacağı planlaşdırılır. Aprelin 7-də F. Məmmədov “Noiz” klubunda təşkil olunacaq “Eurovision” gecəsində çıxış edəcək. Burada həmçinin “Eurovosion”-a həsr edilən məhşur OİKOTİMES saytının 12 illiyi də qeyd ediləcək. Romadan fərqli olaraq Afinanı gəzmək üçün Fəridin elə də çox vaxtı olmayacaq. Müğənninin Star Channel, ANT1 TV, MAD TV, ERT, FTHIS.GR, oikotimes.com, star.gr, avmag.gr i Showtime Cyprus kimi KİV nümayəndəlikləri ilə müsahibələri planlaşdırılıb. F. Məmmədovun Afinada “Eurovision”da oxuyacağı “Hold Me” mahnısını təqdim edəcək . Qeyd edək ki, F. Məmmədov daha bir neçə Avropa ölkəsinə səfər edəcəyi planlaşdırılır. Xatırladaq ki, “Eurovision-2013” təmsilşimiz olan Fərid Məmmədov mayın16-da ikinci yarımfinalda dörd nömrə altında çıxış edəcək.
Pərvin Arzuqızı