Türkiyə Cümhuriyyətinin Azərbaycan Respublikasındakı fövqəladə və səlahiyyətli səfiri Hulusi Kılıç Novruz bayramının gəlişi münasibətilə Azərbaycan xalqını təbrik edib.
Türkiyə Cümhuriyyətinin Azərbaycandakı səfiri adından Modern.az-a göndərilən təbrikdə deyilir: ”Artıq üçüncü Novruz bayramını da Azərbaycanda qeyd etməkdən böyük xoşbəxtlik və sevinc hiss edirəm.
Novruzun həmişə olduğu kimi bu il də Azərbaycanda və Azərbaycan hüdudlarından kənarda yaşayan bacı və qardaşlarıma və bütün Türk dünyasına yeni ümidlər, sülh, əmin-amanlıq, xoşbəxt gələcək naminə əbədi birlik, bərabərlik, sevinc, bərəkət gətirməsini arzu edir, bu əziz bayram günündə hər birinizə cansağlığı və uğurlar diləyirəm”.
Modern.az