31 mart QHT-lərin illik maliyyə hesabatlarının Maliyyə Nazirliyinə təqdim olunmasının son vaxtıdır. Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasından verilən məlumata görə QHT-lər hesabat təqdim etməyə tələsmirlər. Halbuki hesabatların təqdim olunması üçün vaxt çox az qalır. Belə ki, Novruz bayramı ilə əlaqədar olaraq 19-28 mart tarixlərində qeyri-iş günləridir. Bütün bunları nəzərə alaraq Şura bir daha QHT rəhbərlərinə müraciət edərək, onları vaxtdan səmərəli istifadə etməyə çağırıb. ( qhtxeber.az ). Ətraflı məlumat almaq üçün qhtxeber.az saytının “Aktual”, “Sənəd”, “QHT-lərin nəzərinə“ bölmələrinə istinad edə bilərlər. Həmin bölmələrdə tələb olunan sənədlərlə yanaşı hesabatın təqdim olunma mexanizmi və konkret nümunələr yer alıb.
