Azərbaycan Silahlı Qüvvələrinin hərbi qulluqçusunun ölümü ilə bağlı cinayət işi başlanıb. Müdafiə Nazirliyinin “N” saylı hərbi hissəsinin əsgərinin ölümü ilə əlaqədar Sumqayıt Hərbi Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb. Respublika Hərbi Prokurorluğunun mətbuat xidmətindən Modern.az - a verilən məlumata görə, hazırda zəruri istintaq hərəkətləri davam etdirilir.
Qeyd edək ki, aprelin 20-də gecə saat 00.35 radələrində Müdafiə Nazirliyinin N saylı hərbi hissəsinin əsgəri, 1994-cü il təvəllüdlü, 2013-cü ilin yanvar ayında Səfərbərlik və Hərbi Xidmətə Çağırış üzrə Dövlət Xidmətinin Gəncə şəhərinin Kəpəz rayon şöbəsindən hərbi xidmətə çağırılmış Quliyev Emin İlqar oğlu ona təhkim olunmuş avtomat silahdan açılan atəş nəticəsində ölüb.
Modern.az
