“Seçki qabağı öz platformam haqqında geniş danışmışam. Mənim üçün əsas məqsəd azərbaycançılıq, milli-mənəvi dəyərlərin təbliği, konstruktiv dialoq və professionallıqdır”. Modern.az xəbər verir ki, bu sözləri İctimai Televiziya və Radio Yayımları Şirkətinin yeni baş direktoru Cəmil Quliyev deyib.
“Çalışacağıq ki, İTV-də ictimai-siyasi verilişlərlə yanaşı, mədəniyyət və incəsənətə də geniş yer verilsin. Çünki hər şey mədəniyyətdən başlayır. Mədəniyyət təkcə kinoteatr deyil, ümumiyyətlə böyük məfhumdur. Televiziyada çalışanlar professional, savadlı və mədəni insanlar olmalıdır”.
