Futbol üzrə Çempionlar Liqasınının finalçıları məlum oldu. Modern.az-ın məlumatına görə, ötən gecə İspaniyada baş tutan “Barselona”- “Bavariya” qarşılaşmasında gözlənilən baş vermədi. Öz meydanında “Barselona”nı böyük hesabla (4:0) məğlub edən alman klubu bu dəfə də İspaniyada qalib gələrək Çempionlar Liqasının finalın yüksəldməyi bacardı.
Rəqib meydanında oynamasına baxmayaraq “Bavariya” ispan komandasını 3:0 hesabı ilə məğlub etdi.
Qolları Robben (49), Pike (72, avtoqol) və Müller (76) vurublar.
Qeyd edək ki, Çempionlar Liqasının finalında Almaniyanın iki təmsilçisi – «Borussiya» (Dortmund) və «Bavariya» (Münhen) qarşılaşacaq.
UEFA Çempionlar Liqasının finalı mayın 25-də Londonun "Uembli" stadionunda keçiriləcək.
Modern.az