Qazaxıstanın İqtisadi və Korrupsiya Cinayətkarlığı ilə mübarizə Agentliyi ölkə başçısı Nursultan Nazarbayevin kürəkəni Timur Kulibayevin korrupsiya ittihamlarında günahsız olduğunu müəyyən edib. Modern.az Rusiya mətbuatına istinadən xəbər verir ki, Qazaxıstan Mərkəzi Bankının Direktorlar Şurasının keçmiş başçısı Muxtar Ablyazov irimiqyaslı neft müqavilələrinin imzalanması gedişində Kulibayevin rüşvət almasına dair iddia ilə çıxış edib. Korrupsiya ilə mübarizə agentliyi isə müvafiq yoxlamalardan sonra prezident kürəkəninin rüşvət qalmaqalında əli olmadığını aşkar edib. Qazaxıstandan verilən məlumata görə, Kulibayevə qarşı hər hansı cinayət işi açılmayacaq.
Xatırladaq ki, cari ilin əvvəllərində Ablyazov neft sahəsində qanun pozuntularına dair ölkənin hüquq-mühafizə orqanlarına, siyasi partiyalara məktub göndərib. Məktubda Timur Kulibayevin də adı çəkilib.