Arxiv
21 Sentyabr 2009, 11:11 | ÖLKƏ
Hacıqabul və Xaçmazın bir hissəsi sel suları altında qalıb

Azərbaycanın bir sıra rayonlarında dünəndən başlayan leysan yağışları fasilələrlə davam edir. Modern.az xəbər verir ki, güclü leysan Hacıqabul, Neftçala, Xaçmaz rayonlarına ciddi ziyan vurub. Hacıqabul rayonunun mərkəzində, eləcə də Nəvahi və Rəncbər kəndləri ərazisində yüzlərlə evi sel suları basıb, elektrik xətləri uçub, çoxlu ev heyvanları tələf olub, şəxsi avtomobillər suyun altında qalıb, avtomobil yolları sıradan çıxıb. Hacıqabul rayon Fövqəladə Hallar Komissiyasının sədri Sahib Aslanovun sözlərinə görə, rayona külli miqdarda maddi ziyan dəyib. Təbii fəlakətlə bağlı operativ qərargah yaradılıb, hazırda təbii fəlakətin aradan qaldırılması üçün tədbirlər davam etdirilir.
Verilən məlumata görə, rayonun daxili imkanlarından əlavə fəlakətin nəticələrinin aradan qaldırılmasi üçün Fövqəladə Hallar Nazirliyinin xətti ilə hadisə yerinə 3 nasos, 30 nəfər əsgər və su təhcizatı idarəsinin 2 ekskavatoru cəlb olunub.
Daxili işlər və fövqəladə hallar nazirləri təbii fəlakət zonasında olub. Fövqəladə Hallar Nazirliyinin şəxsi heyəti və texnikası əraziyə sel sularının ziyan vurduğu rayonlara səfərbər edilib.
Rayon Fövqəladə Hallar Komissiyasindan verilən məlumata görə, sel şərq istiqamətindən, Nəvahi qəsəbəsinin yaxınlığındakı Mişov dağından daxil olub və əvvəlcə Nəvahi qəsəbəsini basıb. Sonra rayonu elektrik enerjisi ilə təmin edən 110 kilovoltluq yarımstansiya sel sularının altında qalıb. Sel sularının yaşayış binalarına daxil olması ilə yerli əhali evlərini tərk edib. Müəyyən hallarda sakinlərin bir hissəsi selin yaratdığı fəsadlardan təşvişə düşüb.
Rayonda ən kritik vəziyyət Nəvahi istiqamətində qeydə alınıb. Rayon Fövqəladə Hallar Komissiyasında olan ilkin məlumatlara görə, Nəvahidə 20-ə yaxın çiy kərpicdən olan tikilidə uçma hadisəsi, bir neçə yerdə isə hasarların dağılması müşahidə olunub. Evləri və həyətləri 40 santimetrə qədər su basıb. 
Xaçmaz rayonu ərazisində də güclü leysan yağışı  təbii fəlakətə səbəb olub. Rayonun Ləcət, Mərəcan, Alekseyevka, Gödəkli, Çinarqala kəndlərində daşqınlar baş verib. Kənd sakinlərinin şəxsi təsərrüfatlarına böyük ziyan dəydiyi, mal-qara və ev heyvanlarının tələf olduğu, həmçinin ərzaq anbarlarını və evləri su basdığı barədə məlumatlar var.
Neftçalada da güclü yağış nəticəsində rayon mərkəzində yollar su altında qalıb, yüksək gərginlikli elektrik xətləri qırılıb. Hazırda təbii fəlakətin aradan qaldırılması üçün tədbirlər görülür.
Leysan yağışları Neftçala rayonunun da bir neçə yaşayış məskəninə ziyan vurub. Fəsadlar daha çox rayonun Bankə qəsəbəsində qeydə alınıb. Həyətlərın əksəriyyətini su basıb, bir evin divarının suvağı uçub.
Neftçala rayon İcra Hakimiyyətindən verilən məlumata görə, Bankə qəsəbəsinin bir hissəsində kanalizasiya xətti olmadığından yığılan suyun çəkilməsi problemlərlə müşayət olunub. Bir gün əvvəl yağan güclü yağışdan sonra məhz bu səbəbdən bir neçə həyətdə fəsadlar törənib.

BU KATEQORİYADAN OLAN DİGƏR XƏBƏRLƏR
+ Arxiv
Miqrasiya Xidmətinin rəisi yenidən CANLI YAYIMDA 18 Aprel 2019, 20:13 Bakıda yeniyetməyə qarşı quldurluq 18 Aprel 2019, 20:02 Fuad Qəhrəmanlının qızına küçədə hücum edən şəxsə 15 sutka həbs verilib 18 Aprel 2019, 19:43 Paytaxtın bu rayonlarında qaz olmayacaq 18 Aprel 2019, 19:38 Almaniyadan ekstradisiya olunan şəxs Lənkəranda məhkəmə qarşısında 18 Aprel 2019, 19:23 Elektron kənd təsərrüfatı sistemində qeydiyyatdan keçənlərin sayı açıqlandı 18 Aprel 2019, 19:15 Hüseyn Abdullayevin məhkəməsində zərərçəkmişlər ifadə veriblər 18 Aprel 2019, 19:06 Balıq tutmağa yollanmış 57 yaşlı Bakı sakini itkin düşdü 18 Aprel 2019, 18:54 Bakcell Azərbaycan Qran Prisinin ilk rəsmi dəstəkçisi oldu 18 Aprel 2019, 18:32 Makron Roma papasını Fransaya dəvət etdi 18 Aprel 2019, 18:28 Nazirlik ağac kəsintisi ilə bağlı faktı yenidən araşdırdı 18 Aprel 2019, 18:15 “İrəli”nin“Aprel Zəfəri”nə həsr etdiyi layihə davam edir   18 Aprel 2019, 18:02 Ronaldu “Yuventus”dan erkən  gedə  bilər 18 Aprel 2019, 18:00 Azercell-in yeni layihəsi ilə nömrələrin sim-paketə bağlılığı aradan qaldırılıb 18 Aprel 2019, 17:51 400 kq istifadəyə yararsız heyvan cəmdəyi aşkarlandı 18 Aprel 2019, 17:42 Konstitusiya Məhkəməsi sədrinin və hakimlərinin maaşı artırılıb 18 Aprel 2019, 17:37 Manatın məzənnəsi dəyişir? 18 Aprel 2019, 17:33 Deputat seçiciləri ilə görüşdü 18 Aprel 2019, 17:32 Prezident  deputatı “Şöhrət” ordeni ilə təltif etdi   18 Aprel 2019, 17:25 Çörəyə tətbiq olunan vergi güzəştinin müddəti uzadıldı 18 Aprel 2019, 17:21