“Milli Şuranın siyahısı dərc olunub və bu, rəsmi mövqeyi ifadə edir”. Bunu Modern.az-a açıqlamasında “El” Hərəkatının Ali Məclis sədri, Milli Şura üzvü Eldəniz Quliyev bildirib. Onun sözlərinə görə Milli Şuranın bəyannaməsinə imza atanlar üzv sayılırlar. O bildirib ki, üzvlüklə bağlı Milli Şuraya çoxlu müraciət daxil olur.
“Müraciətlərin sayı durmadan artır. Siyahıda şəxslər və digər qurumlar da var”. “El” rəsmisi onu da əlavə edib ki, Milli Şuranın ilk sessiyasında üzvlük barədə məsələyə yenidən baxılacaq.
