Barak Obama Suriya müxalifətinə silah vermək haqqında qərar qəbul edib. Modern.az Reuters agentliyinə istinadən xəbər verir ki, Obama qərarı ilə bağlı Konqreslə danışıqlar aparır. Bildirilir ki, o, qərarını Böyük Səkkizliyin Şimali İrlandiyada keçiriləcək sammitində açıqlayacaq. Həm də Amerikanın planlarında İordaniya ilə sərhəd boyu pilotsuz bölgənin yaradılması da daxildi. Ağ evin Əsəd hakimiyyətinin kimyəvi silah işlətməsinə dair heç bir şübhə yeri qalmadığı da bildirilir. Qərb dövlətləri dəfələrlə xəbərdarlıq etmişdilər ki, Əsəd qüvvələri müxalifətə qarşı kimyəvi silah tətbiq etsələr, Suriyaya müdaxilə baş verə bilər. Son dövrlərdə ardıcıl məğlubiyyətlərə uğrayan Siriya müxalifəti üçün Qərb dövlətlərinin silahlarına böyük ehtiyac var. Yaxınlarda onlar Amerika və onun mütəfiqlərinə silahlar, o cümlədən zenit-raket komplekslərinin verilməsi ilə bağlı müraciət etmişdi. Xatırladaq ki, 2011-ci ilin martından davam edən vətəndaş müharibəsində BMT-nin məlumatlarına görə 93 min nəfərdən artıq insan həlak olub.
