Arxiv
23 Sentyabr 2009, 12:58 | ÖLKƏ
"Elektriçka"ların dəmiryol xətlərinin sökülməsi işi başa çatdırılıb

Bakı-Abşeron sahəsinin dairəvi elektrik xətti üzrə elektrik qatarlarında sərnişin daşımanın həcminin aşağı düşdüyünü və gəlir əldə edilmədiyini əsas gətirən Nəqliyyat Nazirliyi bir müddət öncə dəmiryol xətlərinin sökülməsinə başlamışdı. Modern.az bu istiqamətdə aparılan işlərin gedişi barədə məlumat almaq üçün  «Dövlət Dəmir Yolu» Qapalı Səhmdar Cəmiyyəti ilə əlaqə saxlayıb.
Qapalı Səhmdar Cəmiyyətin mətbuat xidmətinin rəhbəri Nazir Əzməmmədov əməkdaşımızla söhbətdə bildirib ki, yolların sökülməsi işi artıq tam başa çatdırılıb: “Söküntü işləri Zabrat-2, Maştağa, Bağlar, Buzovna, Mərdəkan istiqamətinə gedən dəmiryol xətlərini əhatə edib. Ümumilikdə 30 km uzunluğunda dəmiryol xətti sökülüb. Biz öz texniki avadanlıqlarımızı artıq ərazidən götürmüşük. Dəmiryol xətlərinin keçdiyi zona digər qurumlara təhvil verilir”.  
Mətbuat xidməti rəhbərinin sözlərinə görə, tezliklə dəmiryol xətlərinin söküldüyü istiqamətlərdə avtomobil yollarının salınmasına başlanılacaq. Sökülən relslərə gəlincə, N.Əzməmmədov onlardan digər yollarda istifadə olunacağını deyib.
Nəqliyyat Nazirliyindən isə Modern.az-a bildirilib ki, dəmiryol xətlərinin söküldüyü istiqamətlərdə avtomagistral salınarkən yolun hər iki tərəfində 25 metr enində ərazi bütün tikililərdən təmizlənəcək.
Qeyd edək ki, elektrik qatarlarının hərəkət etdiyi dəmiryolların sökülməsi Bakıətrafı ərazilərin sakinlərini narazı salıb. Onlar «elektriçka»ları avtobuslardan daha rahat, əlverişli və ucuz nəqliyyat növü hesab edirlər.
«Dövlət Dəmir Yolu» Qapalı Səhmdar Cəmiyyətin mətbuat xidmətinin rəhbəri Nazir Əzməmmədov isə bildirir ki, Bakı Dəmiryol Vağzalından şəhərətrafı qəsəbə və kəndlərə doğru hərəkət edən elektrik qatarlarında gedişhaqları 10 qəpik olduğundan son illər bu nəqliyyat vasitəsi rentabelli işləmirdi.  Onun sözlərinə görə, yay aylarında bu qatarlardan istifadə edənlərin sayı azacıq artsa belə, onlar həmişə ziyanla işləyib. N.Əzməmmədov deyib ki, bir neçə dəfə gedişhaqlarını qaldırmaq təklifi müzakirəyə çıxarılıb, amma axırda ondan da imtina olunub. «Dövlət Dəmir Yolu» QSC-nin rəhbərliyi hesab edib ki, əgər 10 qəpiklik qatardan istifadə edənlər belə azdırsa, gedişhaqqı 30-50 qəpiyə qaldırılacağı təqdirdə vaqonlarda sərnişin tapılmayacaq.
Bakı Dəmiryol Vağzalından hər gün səhər saat 5-dən başlayaraq 9 qatar işləyirdi.
Elektrik qatarları üçün dəmiryol xətlərinin sökülməsi Emil Axundov, Feyzulla Quliyev kimi tanınmış memarları da narahat edib. Onların fikrincə, onsuz da avtomobil sıxlığından əziyyət çəkən və bu səbəbdən ekoloji problem yaşayan Bakıda elektrik qatarlarının ləğvi səhv addımdır.


 

BU KATEQORİYADAN OLAN DİGƏR XƏBƏRLƏR
+ Arxiv
Alimlər xərçəngə qarşı dərman kəşf etdi 18 Aprel 2019, 20:46 Bakıda yol qəzası tıxaca səbəb oldu 18 Aprel 2019, 20:27 Miqrasiya Xidmətinin rəisi yenidən CANLI YAYIMDA 18 Aprel 2019, 20:13 Bakıda yeniyetməyə qarşı quldurluq 18 Aprel 2019, 20:02 Fuad Qəhrəmanlının qızına küçədə hücum edən şəxsə 15 sutka həbs verilib 18 Aprel 2019, 19:43 Paytaxtın bu rayonlarında qaz olmayacaq 18 Aprel 2019, 19:38 Almaniyadan ekstradisiya olunan şəxs Lənkəranda məhkəmə qarşısında 18 Aprel 2019, 19:23 Elektron kənd təsərrüfatı sistemində qeydiyyatdan keçənlərin sayı açıqlandı 18 Aprel 2019, 19:15 Hüseyn Abdullayevin məhkəməsində zərərçəkmişlər ifadə veriblər 18 Aprel 2019, 19:06 Balıq tutmağa yollanmış 57 yaşlı Bakı sakini itkin düşdü 18 Aprel 2019, 18:54 Bakcell Azərbaycan Qran Prisinin ilk rəsmi dəstəkçisi oldu 18 Aprel 2019, 18:32 Makron Roma papasını Fransaya dəvət etdi 18 Aprel 2019, 18:28 Nazirlik ağac kəsintisi ilə bağlı faktı yenidən araşdırdı 18 Aprel 2019, 18:15 “İrəli”nin“Aprel Zəfəri”nə həsr etdiyi layihə davam edir   18 Aprel 2019, 18:02 Ronaldu “Yuventus”dan erkən  gedə  bilər 18 Aprel 2019, 18:00 Azercell-in yeni layihəsi ilə nömrələrin sim-paketə bağlılığı aradan qaldırılıb 18 Aprel 2019, 17:51 400 kq istifadəyə yararsız heyvan cəmdəyi aşkarlandı 18 Aprel 2019, 17:42 Konstitusiya Məhkəməsi sədrinin və hakimlərinin maaşı artırılıb 18 Aprel 2019, 17:37 Manatın məzənnəsi dəyişir? 18 Aprel 2019, 17:33 Deputat seçiciləri ilə görüşdü 18 Aprel 2019, 17:32