Suriyada 2011-ci ilin martından başlayan vətəndaş müharibəsində Şimali Qafqaz əsilli Rusiya vətəndaşları aktiv şəkildə iştirak edir. Bunu hazırda Qərbi Avropa ölkələrindən birində yaşayan və tanınmayan İçkeriya Respublikasının “xarici işlər naziri” Usman Ferzauli “Kommersant” qəzetinə müsahibəsində təsdiqləyib. Onun sözlərinə görə, hazırda Suriyada müxalifət qüvvələrinin tərkibində 100-dən artıq çeçen mücahidi vuruşur.
