İraqda sabiq prezident Səddam Hüseynin müavinlərindən olmuş, keçmiş vitse-prezident Hüseyn İzzət İbrahim Ad-Duri yaxalanıb. Modern.az xarici mətbuata istinadən xəbər verir ki, Səddamın keçmiş silahdaşı “Əl-Qaida” yaraqlılarına qarşı aparılmış hərbi əməliyyat gedişində Xamir dağında yaxalanıb.
Qeyd edək ki, Ad-Durinin başına 10 milyon dollar mükafat ayrılmışdı. O, Səddamın hakimiyyəti dövründə İraq İnqilab Komandanlığı Şurasının sədr müavini olub. Səddamın devirlməsinə qədər o, gizli müxalifət bloku yaradıb. Məlumatda qeyd olunur ki, Ad Duri Səddamın devrilməsindən sonra İraq hökumət əleyhinə hərbi birləşmələrə rəhbərlik edib.
