Tanınmış qarmon ifaçısı, əməkdar artist Gövhər Rzayeva Modern.az saytının suallarını cavablandırıb.
- Gövhər xanım, xeyli müddətdir görünmürsünüz. Yaradıcılıqda nə yeniliklər var?
- Hələ ki bir şey yoxdur.
- Nə vaxtdan belə fasilə yaranıb?
- Bir neçə aydır özüm yaradıcılığımı dayandırmışam. Ailə məsələlərinə başım qarışıb.
- Efirdə də yoxsunuz...
- Yox, bu yaxınlarda “Ay Zaur” verilişinə çəkildim. Bu gün də bir neçə çəkilişlərim var.
- Vaxt əgər ailəyə sərf olunursa, çəkilişə necə imkan tapırsınız?
- Sənə qurban olum, ailəm böyükdür, problemləri tək özüm həll edirəm, kişi yoxdur.
- Övladlarınızın ailələrinə də siz baxırsınız?
- Bəli, bəli.
- Bir vaxtlar həmkarınız Gülbahar Şükürlü ilə münasibətləriniz gərgin idi. İndi vəziyyət necədir?
- Bizim heç vaxt onunla gərginliyimiz olmayıb.
- Mən efirdə gördüklərimi, mətbuatda oxuduqlarımı deyirəm.
- Yox, yalan sözdür, özlərindən yazırlar. Biz eyni sənətin adamlarıyıq. Həm sənətdə, həm də yaşda ondan böyüyəm. Mən qarmon çalmağa başlayanda heç Gülbahar yox idi. Gülbahardan başqa da gözəl-gözəl sənətkarlıarımız var.
- Yenilərdən kimlər var?
- Çoxdur, sadəcə üzdə deyillər. Balaca Gülbahar Xurma var. Adları yadımda qalmır. Bizim Gülbaharla heç vaxt konfliktimiz olmayıb.
- Toylara da getmirsiniz?
- Toy olmasa gərək biz acından ölək də. Xalq saxlayır bizi.
- Tez- tez toy qiyməti açıqlayırlar.
- Adamına baxır. Mən oxuyan deyiləm ki, 5-10 minə gedim. Loru dillə desək, damara baxıb qan alırıq. Allah bərəkət versin, bizi dolandırırlar. Narazı deyiləm.
- Nə planlarınız var?
- “Zabul sehgah” yazdırmışam. Bir “Çahargah” da yazdırmaq istəyirəm. Humayun da planda var. Bütün muğamları yazdırmaq istəyirəm.
- Kiminlə rəfiqəsiniz?
-Uzun illərdir ki, Zöhrə xanım Abdullayeva ilə çox yaxınam. Başqa heç kimlə get-gəlim yoxdur.
İntiqam Valehoğlu