Orta məktəblər üçün dərslik və uşaq ədəbiyyatı istehsalı ilə məşğul olan nəşriyyatlar əlavə dəyər vergisindən azad edilir. Modern.az bildirir ki, bu barədə olan müvafiq dəyişiklik Milli Məclisin növbəti plenar iclasının gündəliyinə daxil edilib. “Vergi Məcəlləsində dəyişiklik edilməsi haqqında” qanuna dəyişikliklərə görə, bəzi fəaliyət növləri Əlavə Dəyər Vergisindən azad ediləcək.
Təklif edilən dəyişiklik qanunun 164-cü maddəsi ilə bağlıdır. Qanuna daxil edilmiş 164.1-8 bəndinə görə, ümumtəhsil müəssələri üçün dərslik kompleksləri (iş dəftərləri istisna olmaqla) və uşaq ədəbiyyatının istehsalı ilə bağlı redaksiya, nəşriyyyat və poliqrafiya fəaliyyəti göstərən təşkilatlardan ƏDV tutulmayacaq.Qanun layihəsi Milli Məclisin dekabrın 3-də keçirləcək plenar iclasının gündəliyinə daxil edilib.
X. SƏFƏROĞLU