ABŞ-da səfərdə olan Türkiyənin Cümhuriyyət Xalq Partiyasının (CHP) rəhbəri Kamal Kılıçdaroğlu İstanbul bələdiyyə başqanlığına Mustafa Sarıgülün namizəd olacağını bəyan edib. Modern.az saytı Türkiyə KİV-nə istinadən bildirir ki, CHP-nin Vaşinqton təmsilçiliyinin açılışına qatılan Kılıçdaroğlunun sözlərinə görə, Sarıgül də bu həftə ərzində namizəd olduğunu qəti şəkildə bəyan edə bilər. Onun sözlərinə görə, əgər Sarıgül bunu etməzsə, bu ay ərzində partiya olaraq onun namizədliyi rəsmən elan olunacaq.
