Modern.az

Xalq artisti Arif Quliyevlə FOTOSÖHBƏT

Xalq artisti Arif Quliyevlə FOTOSÖHBƏT

Fotosöhbət

14 Dekabr 2013, 11:34

Modern.az saytı tanınmış aktyor. xalq artisti Arif Quliyevlə FOTOSÖHBƏT layihəsini təqdim edir.

Arif Əli oğlu Quliyev 1950-ci ildə Əli Bayramlı (indiki Şirvan) şəhərində anadan olub. 1965-ci ildə Bakə Mədəni-Maarif Texnikumunun "Dram və kino aktyorluğu" fakültəsinə daxil olub. 1968-ci ildə texnikumu bitirib, Mingəçevir Dövlət Dram Teatrına təyinatla işləməyə göndərilib. 1973-cü ildə Azərbaycan Dövlət İncəsənət İnstitutunun "Musiqili komediya aktyorluğu" fakültəsinə daxil olub. 1975-ci ildə Musiqili Komediya Teatrına dəvət olunub. 1979-cu ildə o, İncəsənət İnstitutunu bitirib.

A.Quliyev müxtəlif səpgili və müxtəlif xarakterli obrazlar yaradıb. 1988-ci ildə "Arif" Özəl Satira Teatrı yaradıb və onun bədii rəhbəri olub. 1982-ci ildə o, Respublika Gənclər mükafatına, 1988-ci ildə Əməkdar artist fəxri adına, 1993-cü ildə isə "Humay" mükafatına layiq görülüb.

1993-cü ildə A.Quliyev Musiqili Komediya Teatrından Milli Dram Teatrına dəvət olunub. 1994-cü ildə o, Xalq artisti fəxri adına layiq görülüb. 2006-cı ildə teatrdakı qazandığı uğurlara görə "Qızıl Dərviş" mükafatına layiq görülüb. 

A.Quliyev İrəvan Dövlət Azərbaycan Dram Teatrında da işləyib.
 

Arif Quliyevin “Şans”, “Bığ əhvalatı”, “Qaynana”, “Lift əhvalatı”, “Yarım ştat”, “Evləri köndələn yar” və başqa teletamaşalarda oynadığı rollar tamaşaçıların rəğbətini qazanıb. Bundan başqa, aktyor “Bəyin oğurlanması”, “Yaramaz”, “Bəxt üzüyü”, “O dünyadan salam”, “Qəm pəncərəsi”, “Mənim ağ şəhərim”, “Alma almaya bənzər”, “Ağ gəmi” kimi bədii filmlərdə canlandırdığı obrazlarla yadda qalıb. 

 

 

 

 

Bu şəkil 1960-cı ilə aiddir. 2-ci sinifdə oxuyurdum. Bakıda 29 nömrəli peşə yönümlü məktəbdə çəkilən şəkildir. O vaxt əlaçı idim. Elə o illərdən qalan yeganə uşaqlıq şəklimdir...

 

Baxın, heç mən burda görünürəm...Bu həqiqətdir ki, şəkil özü dünənimizin aynasıdır...

 

1966-cı ildə pioner düşərgəsində çəkilib. Burda məni tanıyarsınız...?

 

Bu qız mənim gənclik sevgilimdir. Yayda texnikomda oxuyanda hamı evlərinə gedərdi. Mən isə yataqxanada qalırdım. Məni müəllimlərim pioner düşərgəsində işə düzəltmişdilər ki, pul qazanım. O vaxt bu qızı sevirdim.

 

Pioner düşərgəsində bəlkə də ən kasıb uşaqlardan biri mən idim.  Baxın mayka ilə şəkil çəkdirmişəm...

 

Venera və Əsmətlə birlikdə olan şəkildir. Venera xanım indi Keşlə Mədəniyyət evinin müdürüdür. Qanacaqlıdır, 3 dəfə evlənib.

 

Bu da gənclik illərimin səhvidir. Texnikomda oxuyanda bir qızla dostluq edirdim. Atası, anası, qohumları bilirdi. Amma nədənsə alınmadı..

 

Əsgərlik vaxtları.. O illər daha unudulmaz idi...

 

1970-ci illlər.. Hərbi xidmətdə andiçməm idi. Mən and içmişdim ki, əsgərlikdə xidmət etməyəcəm. Yalnız klubda bədii rəhbər işləyəcəm. Necə and içmdimsə, elə də oldu. Məni heç yerə apara bilmədilər.

 

 Elə bil "CİP"dən boylanıram...

 

Bu da əsgərlikdə olan səhnələrdən biridir. Guya, qız hərbi hissəyə gəlib düşür. Mən də orada qız rolunda idim.

 

Əli Bayramlıdakı internat məktəbindən Şamaxıya Mirzə Ələkbər Sabirin ev muzeyinə aparmışdılar. Maraqlı bir gün idi.

 

Müstəqqilik qazananadan sonnra arada Milli Ordumuzun əsgərləriylə görüşlərə gedirdim. Onları əyləndirmək üçün belə duzlu-məzəli əhvalatlar danışırdım...

 

Hə, dəniz və mən. Bəzən belə də olurdu... 

 

Tələbə dostlarımla...

 

Göygöldə maraqlı gün idi... Sonra Aşıq Aydın Çobanoğlu ilə  bizi yaylağa qonaq dəvət etdilər...

 

Bu, Ramiz Əzizbəylinin "Bəxt üzüyü" filmində çəkilmiş polis obrazıdır. Rəis deyirdi ki, biraz ciddi ol, səndən çəkinsinlər.

 

Görkəmli sənətkarımız Əliağa Ağayevlə... Onunla çox maraqlı söhbətlərimiz olurdu...

 

1977-ci il... Toy şəklimiz.

 

Ailəmlə... Həyat yoldaşım və oğlum Rövşən.

 

Ailəvi şəkillərimizdən biri.

 

Zaman keçib gedir. Bizə qalan isə bəlkə bu şəkillər olacaq. Şəkillər əvəzolunmaz ömrümüzün yadigarıdır...

 

Mədəni-Maarif Texnikomunda sinif yoldaşlarımla bir arada...

 

 

"Həkim dastanı" tamaşasından görüntü.

 

Anarın “Qəm pəncərəsi” filmində Məşədi Həmdi rolunda idim.

 

Rəhmətlik Nəsibə Zeynalova ilə... Nəsibə xanıma yubileyi münasibətilə portretini təqdim etmişdim.

 

Komsomolun qurultay iştirakçısı olmuşam. Müxbirə müsahibə verirdim. Bu da Ömər Ağayevdir. 180 medalı var. 

 

1988-ci ildə Şuşada idim. Son dəfə səfərə getmişəm. Orada yaşlı bir kişi var idi. Bizə muğam ifa edirdi.

 

Əlabbas Qədirov AzTV-də "Səhər görüşləri"ni aparırdı. 2 oğlum-Fərid, Rövşən, Çina, mən və Kərim Kərimov.

Rəhmətlik Yaşar Nuri ilə... Yaşar müəllim, Rəhimə xanım, yoldaşım və mən.

 

Məndən əvvəl Ramiz Əzizbəyli xəstələnmişdi. Kubra xanım onu masaj edirdi. Gülməkdən tikişləri açıldı və mən də qaçdım. 

 

Nisə Qasımova və mən. Rəhmətlik Yaşar müəlimin ad günündə idik.  

 

Xəstəxanada yatdığım vaxt sağolsun çox dostlarım ziyarətimə gəlirdi. Ramiz Əzizbəyli də məni unutmayanlar arasında idi..

 

Şəkil elə alınıb ki elə özüm də heykələ bənzəyirəm...

 

Azərbaycan televiziyasında sağlamlığa aid veriliş aparan Əlfəddin həkim, Telman Adıgözəlov, Ruhəngiz Qasımova və mən Yeni il şənliyində...

 

Hə, bunlar bir verilişin maraqlı insanlarıdır. Mən bu şəklə baxanda onlara nəvələrim deyirəm..

 

Fatma Mahmudova ilə birgə həkim-xəstə rolunda idik. Axırda da çıxır belimə...

 

Rəmişlə birgə çəkdirdiyimiz şəkildi. 3-cü həyat yoldaşıdır. Gülü onu içməkdən çəkindirdi. 4 nəfər, bir də gitara...

 

Burda hər təbəqədən insan var. Millət vəkilindən tutmuş aktyoracan....

 

 

Şamama Həsənova, Ruhəngiz Musəvi, yoldaşım və qohumlarla birlikdə. 

 

Anar müəllim, Kubra xanım və mən. Yazıçının otağında söhbət edirik.

 

İlk rejissorum Ağakişi Kazımov və yazıçı Nahid Hacıyevlə birlikdə.  

 

Məleykə Əsədova, Mikayıl Mirzə, Mailə Muradxanlı və biz... 

 

Novruz bayramı münasibəti ilə Kürdəmirdə görüşdə.  Yaşar, Eldəniz Zeynalov və mən.

 

Yaqub Zurufçu və yaxın dostlarla birlikdə kitab təqdimatında idik.  

 

Ailəm toy şənliyində.

 

Yoldaşım və mən. Məşhur müğənnilərimiz Musa Musayev, Təranə Qumral ilə birlikdə. 

 

Verilişə çəkilirdim dözməyib bu stəkanla da şəkil çəkdirdim.

 

Evimizin balaca Arifi...

 

Bu isə yeni çəkildiyim kinonun şəkilləridir.


Pərvin ARZUQIZI

Instagram
Gündəmdən xəbəriniz olsun!
Keçid et
Ukraynadan Rusiyaya ardıcıl zərbələr: Vəziyyət kritikdir