Ermənistanın xarici işlər naziri Edvard Nalbandyan bu gün ATƏT-in Minsk Qrupunun həmsədrləri – İqor Popov (Rusiya), Jak For (Fransa) və Ceyms Uorliklə (ABŞ) görüşüb. Modern.az saytı Ermənistan KİV-nə istinadən bildirir ki, görüşdə Ermənistan və Azərbaycan prezidentlərinin noyabrın 19-da Vyanada, eləcə də xarici işlər nazirlərinin dekabrın 4-də Kiyevdə keçirdikləri görüşlər kontekstində Dağlıq Qarabağ münaqişəsinin sülh yolu ilə nizamlanması prosesinin müzakirəsi davam etdirilib. Bundan əlavə, Ermənistan və Azərbaycanın xarici işlər nazirlərinin yeni görüşünün təşkilinin mümkünlüyü də nəzərdən keçirilib.
Modern.az