Gürcüstan prezidenti Mixail Saakaşvili İran prezidenti Mahmud Əhmədinejatı Tiflisə rəsmi səfərə dəvət edib. Modern.az Gürcüstan mətbuatına istinadən xəbər verir ki, Mixail Saakaşvili İranın Gürcüstandakı yeni təyin olunmuş səfiri Məcid Sabir ilə görüşündə ölkəsinin İranla ikitərəfli əlaqələrin genişləndirilməsində maraqlı olduğunu deyib. Səfər çərçivəsində Gürcüstan və İran arasında viza rejininin ləğvi və Batumidə İranın konsulluğunun açılması məsələsi müzakirə olunacaq. Səfir İranın Gürcüstanla əlaqələrin genişləndirilməsində maraqlı olduğunu bildirib.