Tanınmış şair Məmməd Aslan müəyyən fasilədən sonra yeni kitabını çap etdirib. Qocaman şairin “Sabahın çırağı” adlanan kitabının fərqli cəhəti ondadır ki, burada yalnız uşaq şeirləri toplanıb. 380 səhifədən ibarət olan kitabdakı bəzi şeirlər uşaq yaşlarımızdan bizə məlum olan nümunələrdir.
Modern.az-a açıqlamasında şair kitab barəsində bunları deyib: “Ədəbiyyata lirik şeirlərlə gəldim, Bakıya gələndən sonra bir müddət ancaq uşaq şeirləri yazdım. İndi dərsliklərdə xeyli şeirlərim tədris olunur. Dərsliklərdə tədris olunmaq şair üçün çox xoşbəxt bir məqamdır. Sonra mən həmin uşaq şeirlərimi kitab halında bir yerə cəm etmişəm”.
Elmin Nuri
