QİÇS xəstəliyilə bağlı Orta Asiya ölkələri və Azərbaycanın birgə işçi qrupu yaradılıb. Bu barədə Modern.az saytına millət vəkili, işçi qrupun üzvu Musa Quliyev məlumat verib. O, qeyd edib ki, bununla baglı oktyabrın 4-dən 7-dək Qazaxıstanda toplantı keçiriləcək: “Milli Məclisin payız sessiyasının gündəliyinə “QİÇS xəstəliyinin proflaktikası haqqında” Qanunun təkmilləsdirilməsi ilə əlaqədar məsələ salınıb. Qazaxıstana səfərimdə məqsəd bu sahədə MDB təcrübəsini daha yaxından öyrənmək, eyni zamanda Azərbaycanda bu xəstəliyin nəticələrini mütəxəssislərlə müzakirə etməkdir”.