Arxiv
4 Aprel 2014, 10:02 | FOTOSÖHBƏT
Şair-publisist Əkbər Qoşalı ilə FOTOSÖHBƏT

Modern.az saytı Atatürk Mərkəzinin şöbə müdiri, şair-publisist Əkbər Qoşalı ilə FOTOSÖHBƏT layihəsini təqdim edir.

Əkbər Qoşalı 3 aprel 1973-cü ildə Tovuz rayonunda anadan olub. Orta məktəb attestatında “5”dən başqa qiymət olmasa da, qarışıq 1990-cı ildə təhsilini qızıl medal almadan başa vurub. Elə həmin il Politexnik İnstitutuna (indiki AzTU) daxil olub. Bu ali təhsil ocağını 1995-ci ildə “fərqlənmə diplomu” ilə bitirən Əkbər Qoşalı (Yolçuyev), 1998-2001-ci ilərdə Azərbaycan Prezidenti yanında Dövlət İdarəçilik Akademiyasında ikinci ali təhsil alıb. Hələ orta məktəb illərindən şeirə-sənətə yüksək marağı olan Ə.Qoşalı, ali təhsil illərindən başlayaraq, dövri mətbuatda çap olunur. “Doxsanıncılar ədəbi nəsli”nin tanınmış nümayəndələrindəndir, Dünya Gənc Türk Yazarlar Birliyinin qurucusu, ilk başqanı olub.

Dəfələrlə Azərbaycan nümayəndə heyətinin üzvü və başçısı kimi xarici ölkələrdə keçirilən şeir-sənət festivallarında, gənclik qurultaylarında, konfranslarda iştirakçı olub, yaddaqalan məruzələrlə çıxışlar edib. O cümlədən Azərbaycan Yazıçılarının son iki qurultayı qarşısında keçirilən toplantılarda məruzəçilərdən olub.

Xalq yazıçısı Anar onun “Türk Dünyasında Ədəbiyyat... Ədəbiyyat(ımız)da Türk Dünyası...” adlı məru­zəsini “model məruzə” adlandırıb.

Bir çox gənclər təşkilatının qurulmasında yaxından iştirak edən Ə.Qoşalı 1996-cı ilin fevralından başlayaraq, 5 il müddətində Gənclər-İdman Nazir­liyin­də çalışıb.

Azərbaycanda Atatürk Mərkəzi qurulandan bu mərkəzin İctimai-siyasi şöbəsində, öncə elmi əməkdaş, 2006-cı ildən isə şöbə müdiri olaraq çalışmaqdadır. “Yeni Azərbaycan” qəzetinin ədəbiyyat üzrə redaktoru, “Ulu Çinar” dərgisinin redaksiya heyətinin üzvü, “Yüce Erek” dərgisinin Azərbaycan təmsilçisidir. Ə.Qoşalı onlarla kitabın müəllifi, həmmüəllifi, tərtibçisi, redaktoru, “önsöz” yazarıdır. Bir sıra ödüllərlə, o cümlədən “Rəsul Rza” (Rəsul Rza Fondu), “Fəxri Gənc” qızl döş nişanı (AGİN və NAYORA), “Gənclər Mükafatı” (AYB və AGİN), “Şahmar Əkbərzadə” (“VEKTOR”), “Həsən Bəy ZƏRDABİ” (AJB),  İraq Gənclər-İdman Nazirliyinin gümüş plaketi və s. ilə, çoxsaylı “fəxri fərman” və diplomlarla təltif edilib. Azərbaycan Respublikası Prezidenti Təqaüd Fondunun təqaüdçüsü olub (2008).

Azərbaycan Silahlı Qüvvələrin zabiti olaraq həqiqi hərbi xidmət keçib.

Ailəlidir, üç övladı var.

 

1-ci sinif şagirdi olan vaxtlarımdır. Eşitdim, kəndə şəkilçəkən gəlib, qaçdım, oturdum stulda...

 

Sinif rəhbərimiz Zülfüqar İbrahimovun başçılığı ilə yığışıb şəkil çəkdirmişik – uzaq 1989-cu il, Tovuz rayonu, Çatax kəndi... 

 

Orta məktəb illərindən bir xatirə də bu şəkildir. Arxadan baxan sinif yoldaşımızı – Elqam Məmmədovu, hardasa, 23 ildir görmürəm, yolu yaxın olsun... 

 

Ali məktəb illərindən bir xatirədir. Bulvarda çəkdirmişik. “Qrup starostası”ydım. Deməsi ayıb olmasın, qrupda cəmi iki “qırmızı diplom” alan oldu, biri, təbii mən idim...  


2005-ci ilin 1-ci ayında İspartada çəkilib. Məlahət xanım Ecevitin – Göllər bölgəsi Yazarlar Dərnəyi başqanının dəvətlisiydik... 

 

Bir qış günü Süleyman Dəmirəlin məmləkətində - İspartadayıq.

 

Necə deyərlər, “qoy şəkil danışsın”... 

 

Ölü Dəniz İngilis Yarənlər Qrupu ilə (Türkiyə - 2012). – Unikal qrupdur. Qrupun adında “Ölü” keçsə də, qrup üzvlərinin yaşı bir xeyli irəliləmiş olsa da, səhnədə, maşallah dipdiridilər... 

 

Rəhmətlik Şaiq Vəlinin ömrünün son günləriydi, dostlarla ziyarətinə getmişdik... Yeri ucmaq olsun... 


Sərdar Denktaşdır – Rauf Denktaşın oğlu – QKTC-nin önəmli sima­larından biri. – İstanbulda, Türk Dünyası Gənclik Günləri və Qurulta­yındayıq. 

 

Dünya Ələvilərinin lideridir – Albaniyadan Nevşəhrə – Hacı Vəli Bektaşi günlərinə gəlmişdi... Şəkil çəkdirmək təklifi, qaliba Kərküklü qardaşlarımızdan gəldi.)

Çingiz Aytmatovu sağlığında bir dəfə üzbəüz görmüşdüm, bu isə onun ideyası əsasında yaradılmış “Ruh bağı”nda, 2013-cü ildə çəkilib. 


“Fəxri gənc” qızıl döş nişanını alarkən çəkilib... Gənclər-İdman Nazirliyi ilə Gənclər Təşkilatları Milli Şurasının ortaq ödülüdür. 


“Azərbaycan Bayrağı” Ordenli əfsanəvi kəşfiyyatçı İbad Hüseynovla qardaşyana münasibətimiz var. Onun haqqında olan “Xüsusi təyinatlı” kitabının redaktoru olmuşam. 


Rəhmətlik Hamlet Kazımoğlunun məzarı başındayam... 31 yaşında, uzaq Rusiyada ürək tutmasından həyata vəda edən istedadlı şairimizin... O mənim ən yaxın dostum idi... Tanrının xoşuna getsin, onsuzluq zülümdür... 

 

“Şeirin İpək Yolu”nun “Venetsiya” ziyafətindəyik. 


Qırğız torpağındakı daş balbanları ziyarət edirəm.


2011-ci il, 6-cı ayın 6-cı günündə “Türk Dünyasında Ədəbiyyat... Ədəbiyyat(ımız)da Türk Dünyası” adlı 35 səhifəlik məruzəmi oxuyuram. Qaliba, 1 saat yarım çəkdi... ANAR müəllim o məruzə haqqında “Model məruzə” dedi. Nizami Cəfərov, Sabir Rüstəmxanlı, Fikrət Qoca, Arif Əmrahoğlu, Hikmət Babaoğlu və başqa önəmli aydınlarımız da yüksək sözlər söylədilər, sağ olsunlar. Onu deyim ki, bu məruzəni hazırlayarkən bütün digər hazırlıq günləri öz yerində, son iki günü rəsmən yatmamışdım... 

 

Baş nazirin müavini, Xalq Yazıçısı ELÇİN Türk Dünyası gənc və yeni nəsil yazarlarının Bakı Toplantısı iştirakçılarıdan bir qrupunu qəbul edir. Mən də təşkilatçı olaraq, bilgi verirəm... 


Hacı Vəli Bektaşinin məzarını ziyarət edirəm... Kəramətinə inandığım kişilərdəndir... 


Qırğız Respublikasının gənclər, əmək və məşgulluq naziri Aliasbek Alımkulov Ankarada Türk Dünyası Gənc Liderlər Toplantısının təntənəli açılış törənində bəndənizə ödül təqdim edir. 


Nevşəhirdəyik – Uluslararası Şeir Şölənində. Şerimizin SƏHƏRidir. Şölənsonrası əlinə də kitablarından götürüb, foyeyə enib. Anlaşılan, Şölən iştirakçılarından kimlərəsə kitab endirib, mən də “bu vaxtı kitabmı verərlər, sabaha qalsın” kimi bir iradda bulunuram, qaliba. – “Axşamın xeyrindən sabahın şəri yaxşıdır”.  


Ayaqüstə duran oğlum Əsgərdir. Şəkil ötən il çəkilib. Abituriyent olan vaxtlarıydı – qayğılı olduğunu hiss edirsiz. Şükür əməyi zay olmadı, ali məktəbə, dövlət ödənişli ixtisasa qəbul oldu.  


Ötən ilin son ayında İstanbulda (Uluslararası konfrans sonrası), Boğaşiçində çəklib. Hamısı ünlü simalardır, umarım tanıtıma ehtiyac yoxdur... 


NAYORA-nın Qurultayıdır. Bu təsisatın qurultaylarının çoxunun sədri olmuşam – ta 1997-ci ildən 2012-ci ilədək... – Yəni İntiqam Babayevin dövründən Fuad Muradovun dövrünədək.  


Gənclər Təşkilatlarının II Respublika Sərgisində, Əli müəllim bizim -Dünya Gənc Türk Yazarlar Birliyinin guşəsi ilə tanış olur, 2008-ci ildir. Aygün Həsənoğlu Əli müəllimə o qədər çox kitab təqdim etdi ki, Rəsmiyyə xanımın kitab təqdim etməyə vaxtı belə... qalmadı.) 


Ötən il Bişkəkdə çəkilib. Elşən Əzim, Mahir Qarayev və mən Türkcənin Uluslararsı Şeir Şölənində iştirak üçün Qırğız paytaxtındayıq. Qırığız böyükelçimiz HİDAYƏT müəllim sağ olsun, bizə qonaqlıq verir.  


“Gülüstan” Sarayında, Dünya Azərbaycanlı Gənclər Birliyinin təsis qrurultayında çıxış edirəm. 


“Gənclər Evi”ndə Şahnaz Kamalın ilk kitabının təqdimatıdır.


İraqın vitse-prezidenti Adil Əbdül Mehdi cənablarının yaxasına "Azərbaycan Bayrağı" nişanı taxmışam, indi də üstü yazılı qələm bağışlayıram. 2010-cu ilin mart ayıdır – İraqa FÜZULİ ULUSLARARASI ŞEİR ŞÖLƏNİnə getmişdik. Şəkil “Səddamın Gümüş Sarayı“ adı ilə tanınan iqamətgahda çəkilib. 


Qəhrəman moldavan qızı Aurelio Qriqoriu Bakıya gələndə çəkdirmişik bu şəkli... 


Başıbəlalı Kırımdan olan dostum Seyran Süleymanla Bişkəkdə - “Ata Beyt”də Çingiz Aytmatovun məzarını ziyarət edirik. 


Türkiyənin tanınmış ədəbiyyatçı alimlərindən Ridvan Canım xoca ilə Bişkəkdə çəkdirmişik. 


“Qurdlar vadisi”nin “Testerə Nəcmisi”dir. Sumqayıtda – “TURAN”da çəkdirmişik. – Nəsə çəkilişləri vardı buralarda... 


ELÇİN müəllimə plaket təqdim edirik. 

 

Dünyaca ünlü Rauf Denktaş cənabları ilə görüşmək nəsibim olub. Yeri ucmaq (cənnət) olsun!  


2007-ci ilin ikinci ayının 1-ci günü... respublika gənclik ictimaiyyəti nümayəndələrinin Prezident İlham Əliyevlə görüşüdür. Cənab Prezidentə təqdim etdiyim - tərtibçisi olduğum kitab haqqında bilgi verirəm. 

 

 

Modern.az

BU KATEQORİYADAN OLAN DİGƏR XƏBƏRLƏR
+ Arxiv
Azərbaycan idmançısı bürünc medal qazanıb 22 Aprel 2019, 00:24 Azərbaycan millisinin sabiq futbolçusu döyüldü 22 Aprel 2019, 00:07 Ukraynada səsvermənin ilk rəsmi nəticəsi açıqlandı 21 Aprel 2019, 23:49 Şimali Makedoniyada seçkilərin ilkin nəticələri açıqlandı 21 Aprel 2019, 23:28 Kılıçdaroğluna hücum edən 6 nəfər həbs edildi 21 Aprel 2019, 23:10 Bakıdakı yanğında iki azyaşlı tüstüdən zəhərləndi 21 Aprel 2019, 23:00 Zelenskinin daxili və xarici siyasəti necə olacaq? - Politoloq şərhi 21 Aprel 2019, 22:41 Salyandakı ağır qəzada 1 nəfər öldü 21 Aprel 2019, 22:17 Poroşenko siyasətdən getməyəcəyini açıqladı 21 Aprel 2019, 21:57 Vladimir Zelenski xalqa müraciət etdi 21 Aprel 2019, 21:34 Bir sutkada Suriyaya 1066 qaçqın qayıdıb 21 Aprel 2019, 21:19 Ukraynanın yeni  prezidenti  Zelenskidir 21 Aprel 2019, 21:01 Türkiyədə zəlzələ oldu 21 Aprel 2019, 20:45 “Hunday”ın təsisçisinin nəvəsi narkotikə görə tutuldu 21 Aprel 2019, 20:33 Bakıda fəhlə 13-cü mərtəbədən yıxılaraq ölüb 21 Aprel 2019, 20:21 Kamal Kılıçdaroğlu döyülməsindən danışdı: “Şəhidlərin dəfninə getməyimi istəmirlər” 21 Aprel 2019, 20:09 Elməddin Behbud: “Azərbaycan Türk Şurası ölkələri ilə münasibətlərin inkişafı istiqamətində fəaliyyət göstərir” 21 Aprel 2019, 20:08 Yeni rəsm əsəri: Dədə Qorqud və Napoleon bir arada 21 Aprel 2019, 18:29 Kamal Kılıçdaroğlu döyüldü - FOTOLAR 21 Aprel 2019, 18:07 General Bakı Qarnizonu ilə bağlı tapşırıq verdi 21 Aprel 2019, 18:03 Bakıda it 4 yaşlı uşağın üzünü parçaladı - FOTO 21 Aprel 2019, 17:58 AvroLiqanın kuboku Moskvada təqdim olundu 21 Aprel 2019, 17:05 Gürcüstanda aksiya -Polis qazdan və rezin güllədən istfadə etdi 21 Aprel 2019, 16:42 11-ci sinif şagirdləri buraxılış imtahanları veridilər - YENİLƏNİB 21 Aprel 2019, 16:00 Azərbayacn Xarici İşlər Nazirliyindən Şri-Lankada baş verən terrora MÜNASİBƏT 21 Aprel 2019, 15:54 Tovuzda 70 yaşlı kişi bıçaqlandı 21 Aprel 2019, 15:40 Dövlət qulluqçusu olmaq istəyənlər imtahan verdi   21 Aprel 2019, 15:10 Şri-Lankada terror aktlarının sayı 8-ə çatdı 21 Aprel 2019, 14:29 Sabahın HAVASI: Yağışlı, küləkli olacaq 21 Aprel 2019, 13:39 Avtobus  qəzasında xəsarət alanlar evə buraxıldı - YENİLƏNİB 21 Aprel 2019, 13:22