Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası bu gün QHT layihələrinin maliyyələşdirilməsi ilə bağlı 2010-cu il üçün növbəti qrant müsabiqəsi elan edib. Modern.az-ın məlumatınba görə, Şura müsabiqədə iştirak etmək üçün QHT-ləri ərizə təqdim etməyə dəvət edir.
Şuradan bildirlib ki, ilk növbədə “Azərbaycan Respublikasının qeyri-hökumət təşkilatlarına dövlət dəstəyi Konsepsiyası”na uyğun olaraq, aşağıdakı mövzular üzrə layihələrə üstünlük verəcək:
|
| Mövzular | 1 layihənin maksimum dəyəri | Müsabiqənin ümumi fondu |
| 1 | Demokratikləşmə prosesinin dərinləşməsinə dair təşəbbüslər | 7.000,0 | 15.000,0 |
| 2 | Ermənistan-Azərbaycan Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılması | 8.000,0 | 40.000,0 |
| 3 | Qaçqın və məcburi köçkünlərin hüquqlarının beynəlxalq təşkilatlarda və beynəlxalq məhkəmə orqanlarında müdafiəsi | 7.000,0 | 15.000,0 |
| 4 | Virtual məkanda Azərbaycan həqiqətləri ilə bağlı elektron resursların mövcud vəziyyətinin öyrənilməsi və müvafiq hesabatların hazırlanması | 5.000,0 | 10.000,0 |
| 5 | Beynəlxalq təşkilatlar və xarici QHT-lərlə əməkdaşlığın dərinləşdirilməsi istiqamətində təşəbbüslər | 7.000,0 | 15.000,0 |
| 6 | Tibbi xidmətin keyfiyyətinin yaxşılaşdırılmasına dair təşəbbüslər | 7.000,0 | 15.000,0 |
| 7 | Təhsilin keyfiyyətinin artırılmasına dair təşəbbüslər | 6.000,0 | 15.000,0 |
| 8 | Mədəniyyətə dair təşəbbüslər | 6.000,0 | 15.000,0 |
| 9 | Xüsusi qayğıya ehtiyacı olan uşaqların sosial problemlərinin həllinə dəstək | 7.000,0 | 15.000,0 |
| 10 | Sosial xidmətlərin yaxşılaşdırılması sahəsində təşəbbüslərə dəstək | 7.000,0 | 20.000,0 |
|
| Cəmi |
| 175.000,0 |
Müsabiqədə siyasi, dini, təhsil üçün təqaüdlər sahələri dəstəklənmir.
Ərizələr 25 iyun tarixindən 23 iyuladək qəbul olunacaq.
Ərizə yalnız Şuranın təsdiq etdiyi formada (elana əlavə edilir: Əlavə 1, Əlavə 2, Əlavə 3), Azərbaycan dilində çap və elektron variantlarında (diskdə, Times New Roman şriftində) hazırlanmalı və Şuranın Katibliyinə təqdim edilməlidir.
Əlavə 1: Ərizə forması
Əlavə 2: Layihə təklifi forması
Əlavə 3: Layihənin büdcəsinin hazırlanmasına dair təlimat
Müsabiqənin nəticələri 2010-cu ilin sentyabrın 1-dən sonra elan olunacaq.
Modern.az
