Həbsdə olan gənc bloqçu Emin Milliyə atasının hüzn mərasimində iştirak etmək üçün 3 günlük icazə verilib.
Bu baradə "Azadlıq" radiosuna Ədliyyə Nazirliyi Penitensiar Xidmətin İctimaiyyətlə əlaqələr şöbəsinin rəisi Mehman Sadıqov məlumat verib.
Emin Milliyə iyunun 29-dan etibarən 3 gün ərzində Neftçalada atasının yas mərasimində borcunu yerinə yetirmək üçün məzuniyyət verilir. Emin Millinin atası Paşa Abdullayev iyunun 29-da 75 yaşında vəfat edib. O, Neftçala rayonunun Oryat kəndində dəfn olunub.
