Arxiv
22 Avqust 2014, 14:23 | FOTOSÖHBƏT
Telejurnalist Sevinc Osmanqızı ilə FOTOSÖHBƏT

Modern.az ANS-in Amerika bürosunun rəhbəri Sevinc Osmanqızı ilə FOTOSÖHBƏT layihəsini tədqim edir.

Sevinc Osmanqızı 1969-cu il iyunun 22-də Bakıda ziyalı ailəsində anadan olub. 1986-cı ildə Osman Mirzəyev adına 190 saylı orta məktəbi qızıl medalla, 1991-ci ildə Azərbaycan Dövlət Universitetinin jurnalistika fakültəsini fərqlənmə diploma ilə bitirib.  “Assa-İradə” agentliyində və AzTV-də müxbir işləyib. 1994-cü ildə Azərbaycan XİN-də 3-cü katib işləməklə, müasir Azərbaycan tarixində diplomat vəzifəsinə götürülən ilk qadın olub. Londonda BBC radiosunun jurnalist-produseri,  ABŞ-ın Azərbaycandakı səfirliyində mətbuat katibi işləyib.  ANS TV-nin Xəbərlər Xidmətinin Baş Redaktoru, Vaşinqtonda xüsusi müxbiri çalışıb.  CNN və BBC-də Azərbaycana dair verilişlərin müəllifidir. Şəhid jurnalist Osman Mirzəyevin qızıdır. İki oğlu var.  

 

Bu şəkil 6 ayımda çəkilib.  Başımdakı “bant”ı görürsüz, özümdən böyükdür.  

Atam, anam və mən. Evin sonbeşiyi olmuşam. Deyirlər, atam 2 qızdan sonra oğlan gözləyirmiş, amma məni görüb, o qədər sevinib ki, adımı “Sevinc” qoyub. Doğrusu, adıma görə ona çox minnətdaram. Türkdillilər adımı biləndə məni “özününkü” kimi qəbul edirlər. 

 

Bu şəkildən çox xoşum gəlir.  Atam-anam mehriban cütlük olublar.  Atamın da yumor hissini bilməyən yoxdur.  Bu şəkilə baxanda uşaqlığımı xatırlayıram.  

Yenə atamın işində, redaksiyadayıq.  Nə qədər deyirdilər, kameraya bax, baxmırdım. Yəqin utanırdım.

 

Burda çox ciddiyəm.  Bu şəkli əlaçı kimi məktəbdə divara asılmaq üçün çəkilib.

Bu, bizim sinfimizdir.  Sağdan 3-cü mənəm.  İngilis dili müəlliməm, həm də sinif rəhbərimiz Rizvaniyə Qasımova ilə birgə.  Məktəbi,  müəllimlərimizi, sinif yoldaşlarımı ən isti hisslərlə xatırlayıram.  Məni xəstə olanda da məktəbdən saxlamaq mümkün deyildi.

 

Burda 19 yaşındayam.  Elə bil dünən idi, vaxt necə uçur.  O vaxt saçlarımı arxaya yığmağı xoşlayardım.

 

Burda atamın iş otağındayıq.  Atam saçımı darıyır.  Şəkil çəkdirməyə hazırlaşırıq.  Atam çox qayğıkeş insan idi.  İnanırsız, yeri indi də görünür. 

Bu şəkil düz 20 il əvvəl Londonda BBC-nin Orta Asiya və Qafqaz xidməti açılanda çəkilib.  Bütün xidmətimizin əməkdaşları BBC-nin yayımlandığı Buş Hausun qarşısındayıq. Bu, artıq tarixdir.  İndi nə Buş Haus qalıb, nə də BBC-nin Azərbaycan xidmətinin radioyayımları.   Amma hazırladığımız peşəkar verilişləri, ümid edirəm ki, xatırlayan çoxdur.

 

Bunu Amerikalı jurnalist Tomas Qolts çəkib. 1993-cü ildir, Parlamentin qarşısında piketin başlamasını gözləyirəm.    O vaxt AzTV-nin müxbiri idim.



Tələbəlik illərinin rəfiqəsi Aynur Sofiyeva ilə.  İndi mənə pul versən də, əynimə heyvan dərisi geyinmərəm.  İllər insanı dəyişir...

Anamla Londonda 2000-ci ili qarşılayırıq.  Yeni minilliyi.   Uşaq kimi sevinirəm.

 

Atamla toy məclisindəyik.  Son şəkillərimizdəndir. Atalı illərin ləzzəti bir başqa idi...

Bu isə Barak Obama ilə şəklimizdir.  Bakıda mətbuat konfransında çəkilib.  O vaxt senator idi.  4 il sonra prezident oldu.

Bu şəkil tamam yadımdan çıxıb.  Yenə Bakıda mətbuat konfransında çəkilib. Solda əyləşən indi ABŞ-ın Müdafiə Naziri Çak Heqeldir.  

Bu, ABŞ-ın keçmiş müdafiə naziri Donald Ramsfeldlə Amerikada görüşümüzdəndir.  Onun əyləşdiyi kreslonu görürsüz, arxasında bütün tutduğu vəzifələr yazılıb. 

 

Bu isə ABŞ-ın Dövlət Katibinin keçmiş birinci müavini Riçard Armiticlə görüşümdəndir.  Müsahibə o qədər maraqlı keçdi ki, bir saatın necə keçməsini hiss etməmişəm.

 

Zbiqnev Brzejinskinini adını uşaqlıqdan tanıyırdım. Onunla müsahibəni xüsusilə gözləyirdim. Sovet dövründə ABŞ Prezidentinin Milli Təhlükəsizlik üzrə müşaviri işləyib. Atam onun üçün deyərdi ki, güclü siyasətçidir. Ona görə onun bütün kitablarını oxumuşam.

 

Deyirlər, ən gözəl qrim yuxudur.  Bu şəkil çəkiləndə kiçik oğlum balaca idi, gecələri pis yatırdı. Yadıma gəlir, o gün gözlərimdən yuxu tökülürdü, amma şəkildə heç hiss olunmur. 

Modern.az

BU KATEQORİYADAN OLAN DİGƏR XƏBƏRLƏR
+ Arxiv
Kamal Kılıçdaroğlu döyüldü - FOTO 21 Aprel 2019, 18:07 General Bakı Qarnizonu ilə bağlı tapşırıq verdi 21 Aprel 2019, 18:03 Bakıda it 4 yaşlı uşağın üzünü parçaladı - FOTO 21 Aprel 2019, 17:58 AvroLiqanın kuboku Moskvada təqdim olundu 21 Aprel 2019, 17:05 Gürcüstanda aksiya -Polis qazdan və rezin güllədən istfadə etdi 21 Aprel 2019, 16:42 Azərbayacn Xarici İşlər Nazirliyindən Şri-Lankada baş verən terrora MÜNASİBƏT 21 Aprel 2019, 15:54 Tovzda 70 yaşlı kişi bıçaqlandı 21 Aprel 2019, 15:40 Dövlət qulluqçusu olmaq istəyənlər imtahan verdi   21 Aprel 2019, 15:10 Şri-Lankada terror aktlarının sayı 8-ə çatdı 21 Aprel 2019, 14:29 Sabahın HAVASI: Yağışlı, küləkli olacaq 21 Aprel 2019, 13:39 10 min dollardan çox kredit borcu olanlara da güzəşt ediləcək   21 Aprel 2019, 13:30 Avtobus  qəzasında xəsarət alanlar evə buraxıldı - YENİLƏNİB 21 Aprel 2019, 13:22 Fransanın Nant şəhərində Azərbaycan məktəbi açıldı   21 Aprel 2019, 12:29 Gömrükdən malların və avtomobillərin keçirilməsi qaydasında DƏYİŞİKLİK 21 Aprel 2019, 12:01 Kürdəmirdə YANĞIN:  5 nəfər yaralandı 21 Aprel 2019, 11:58 Şri-Lankada 6 partlayış: 160 ölü, 500-dən çox yaralı - FOTOLAR- YENİLƏNİB 21 Aprel 2019, 11:28 Kürdə suyun səviyyəsi artdı 21 Aprel 2019, 11:19 Meriya Bəhram Bağırzadə və Tahir İmanova yer bəyəndirə bilmir 21 Aprel 2019, 10:49 Ukraynada prezident seçkilərinin II turu keçirilir 21 Aprel 2019, 10:26 Doğum və ölüm günü bir yerdə qeyd olunan aktrisa - Məşhur cütlüyün ailə FACİƏSİ - FOTOLAR 21 Aprel 2019, 09:49 Ermənilər cəbhədə təxribatlara davam edir 21 Aprel 2019, 09:44 Rektor gənclərə daha 10 tövsiyə verdi: “Hər işi öz zamanında görün” 21 Aprel 2019, 09:26 Bu gün 11-ci sinif şagirdləri buraxılış imtahanları verir 21 Aprel 2019, 09:21 Tanrı pıçıltısını sözə çevirə bilən xanım 21 Aprel 2019, 09:11 Bakıda mənzildən qadın meyiti tapıldı 21 Aprel 2019, 00:54 Bakıda 17 yaşlı gənc bıçaqlandı 21 Aprel 2019, 00:39 Sükut günündə 250 pozuntu 21 Aprel 2019, 00:23 Elinanın ölümündə  suçlanan icra başçısının müavini: "Videonu mən çəkmişəm" - AÇIQLAMA  21 Aprel 2019, 00:08 Sumqayıtdakı davada 2 nəfər xəsarət alıb 20 Aprel 2019, 23:38 “Akif Çovdarova 3 milyon manat verə biləcəyimi söylədim” - Tağı Əhmədov 20 Aprel 2019, 23:37