ABŞ-ın Azərbaycandakı səfirliyinin kitabxanası “American Center” də bu istiqamətdə çox işlər görüb.
“İnformation Resource Complex”in direktoru Şəhla Xudiyeva deyir ki, kitabxanada dünyanın ən tanınmış elmi jurnallarından istifadə etmək olar. Kitabxanaya üzv olanlar fransız, inglis, rus, alman və digər dillərdə e-kitablardan istifadə edə bilərlər.
Şəhla Xudiyevanın sözlərinə görə, onların kitabxanasında 17 min kitab var və bu nəşrlərin əksəriyyətinin e-kitab variantını saytlarında yerləşdiriblər.
Kitabxanada pulsuz internet də var. Bundan başqa, danışıq klubları, inglis dilinin qrammatikası və esse yazı klubları, həftədə bir film, xarici mütəxəsislər tərəfindən keçirilən mühazirələr və ABŞ siyasəti və ABŞ-da təhsil almaq üçün proqrammların təqdimatı, ölkə daxili və xaricdə çalışan həmkarlarla canlı video-konfranslar kimi xidmətlər də bu kitabxana tərəfindən təklif olunur. Kitabda e-kataloqla istədiyin elm sahəsinə aid kitab tapmaq sadəcə saniyələri aparır.
Kitabxanada dünyanın əskər ölkələrinin incəsənət əsərləri onların mentalitetinə uyğun yaradıcılıq nümunələri də yer alır.
E-kitabın faydaları çoxdur. Ən əsası isə kağıza hədsiz qənaət olunur. Bir e-kitab formatına on min kitab yerləşir. Bu da on min kitabı çantada apara bilmək deməkdir.
Vüqar Ağamalıoğlu