Avqustun 2-dən “Kaspi”, “Şərq”, “Üç nöqtə” qəzetləri bütün heyətlə bir həftəlik istirahətə çıxır. Bununla bağlı həmin qəzetlərin məsul şəxsləri modern.az saytına danışıblar.
“Kaspi” qəzetinin baş redaktoru Natiq Məmmədli: “Bir həftəlik kollektiv şəkildə istirahətə çıxacağıq. İstirahətimiz gələn həftədən başlayacaq. Yaxşı istirahət tədbiri hazırlamışıq. Avqustun 9-dan yenidən işə başlayacağıq”.
“Şərq” qəzetinin baş redaktoru Akif Aşırlı: “Həftənin birinci günündən bir həftəlik istirahətə çıxırıq. İşə isə avqustun 9-dan başlayacağıq. Yaydı deyə, müəyyən qədər informasiya qıtlığı olur. Ona görə də tam kollektiv şəkildə istirahətə getməyə üstünlük verdik”.
“Üç nöqtə” qəzetinin redaktoru Elməddin Muradlı: “Bu gün axırıncı iş günümüzdü. Gələn həftənin birinci günündən istirahətə çıxırıq. Avqustun 9-dan yenidən işə başalayacağıq. Bu bir həftəlik istirahət müddətində də redaksiyada müəyyən təmir işləri aparılacaq”.
Təhminə Paşayeva
