Avropa Liqasının pley-off mərhələsi çərçivəsində Dortmund şəhərində keçiriləcək “Borussiya” (Almaniya) – “Qarabağ” matçının başlama saatında dəyişiklik edilib. Almaniya klubunun rəsmi saytında qeyd edilən məlumata görə, avqustun 19-da keçiriləcək ilk oyunun Bakı vaxtı ilə saat 23:45-də start götürməsi planlaşdırılsa da, qarşılaşmanı yayımlayacaq ZDF kanalının xahişi ilə görüş 20 dəqiqə gec, 00:05-də başlayacaq.