Beynəlxalq insan hüquqları günü ilə bağlı Ermənistan ombudsmanının bu gün təşkil etdiyi dəyirmi masada insident baş verib. Modern.az saytının xarici KİV-ə istinadən verdiyi məlumata görə, Ermənistanın baş naziri Ovik Abramaynın, ABŞ, Avropa İttifaqı ölkələri səfirlərinin çıxışlarından sonra dəyirmi masanın aparıcısı, ombudsman Karen Andreasyan çıxış üçün sözü Rusiya-Ermənistan Universitetinin rektoru Armen Darbinyana verib. Bu zaman adını bildirməyən vətəndaş onun sözünü kəsərək bəyan edib ki, belə “şirin və hamar” müzakirələr hər gün insan hüquqlarının pozulduğu ölkədə yersizdir .
Bundan sonra təhlükəsizlik xidmətinin əməkdaşları insidentin səbəbkarını sakitləşdiriblər.
Modern.az