Bu gün səhər saatlarında Avtraliyanın Sidney şəhərindəki kafelərdən birində naməlum silahlı şəxs 30 nəfər insanı girov götürüb. Modern.az xarici mətbuata isitnadən xəbər verir ki, silahlı şəxs kafenin pəncərəsindən “Əl-Nüsrə Cəbhəsi” qruplaşmasının bayrağını asıb. Onun həmin qruplaşamnın üzvü olduğu istisna olunmur. Polislə birbaşa danışıqlara gedən terrorçu baş nazir Toni Ebotla görüşmək istədiyini bildirib. Bu arada girovların saxlanıldığı kafedən 5 nəfər girov qaçıb. Eyni zamanda Toni Ebotun başçılığı ilə ölkənin milli təhlükəsizlik şurası geniş iclas keçirir.
Modern.az
