Bakı dairəvi avtomobil yolunun tikintisi və ərazidən keçən kommunikasiyaların köçürülməsi ilə əlaqədar oktyabrın 9-da səhər saat 09.00-dan etibarən “Alatava” Qaz Paylayıcı Stansiyasından qidalanan və Binəqədi rayonunun böyük bir hissəsini təbii qazla təmin edən 500 mm-lik “9-cu mikrorayon-Binəqədi” orta təzyiqli kəmərdə qaz təchizatı dayandırılacaq. İModern.az Dövlət Neft Şirkətinə istinadən xəbər verir ki, iş görülən müddətdə Binəqədi rayonunun 6-cı, 7-ci, 8-ci, 9-cu mikrorayonlarının, eləcə də Vorovski və M.Ə Rəsulzadə qəsəbələrinin bir hissəsinin qaz təchizatında məhdudiyyətlər qoyulacaq. Bununla bağlı yaranacaq müvəqqəti narahatlığa görə, ARDNŞ-nin “Azəriqaz” İstehsalat Birliyi abunəçilərdən üzr istəyir. İş başa çatdıqdan sonra qeyd olunan ərazilərin qaz təchizatı bərpa ediləcək.
