Modern.az saytının Türkiyə KİV-nə istinadən verdiyi xəbərə görə nazirlik bəyan edib ki, ABŞ prezidentinin “erməni genosidi” ilə bağlı ənənəvi çıxışındakı ifadələri rədd edirlər.
XİN-in Almaniya prezidenti Yoahim Qauka qarşı etdiyi etirazda bildirilib ki, o, türk tarixinə və xalqına qarşı əssasız ittihamlar irəli sürüb. "Türk xalqı Yoahim Qaukun ifadələrini unutmayacaq və yaddan çıxarmayacaq",-deyə qeyd olunub.
Bununla yanaşı, Fransa prezidenti Fransua Ollandın Yerevenda qondarma erməni soyqırımı tədbirlərində iştirakı da kəskin şəkildə pislənilib.
Xatırladaq ki, ABŞ prezidenti Barak Obama 1915-ci ildə Osmanlı imperiyasında baş verənlərlə bağlı etdiyi ənənəvi çıxışında “soyqırımı” ifadəsini işlətməsə də, ermənilərin böyük faciə ilə üzləşdiyini vurğulayıb.
Almaniya prezidenti isə Yoahim Qauk isə Berlində çıxışı zamanı 1915-ci ildəki hadisələri “soyqırımı” adlandırıb.
Aqşin Kərimov
