Nepalda xilasedicilər 105 yaşlı kişini zəlzələdən 8 gün sonra öz evinin dağıntıları alıtından xilas ediblər. Modern.az xarici KİV-ə istinadən bildirir ki, Kimtanq kəndində yaşayan Fançu Qeyl ətraflarından o qədər də ciddi olmayan xəsarət alıb. Onu orduya məxsus helikopterlə xəstəxanaya aparıblar. Bundan əlavə, mayın 3-də Siauli kəndində dağıntılar altından daha 3 nəfər xilas edilib.
Nepalda 7,9 bal gücündə zəlzələ aprelin 25-də baş verib. Son məlumatlara görə, təbii fəlakət nəticəsində 7 min insan həlak olub, 14 min insan yaralanıb.
Modern.az