Ermənistan prezidenti Serj Sərkisyan bu gün ABŞ-a işgüzar səfərə gedəcək. Modern.az Ermənistan KİV-nə istinadən bildirir ki, iki günlük səfər zamanı onun Senatda, ATƏT-in Minsk qrupunun amerikalı həmsədri Ceyms Uorliklə görüşü nəzərdə tutulur. Bundan başqa, Sərkisyan “Vaşinqton Post” qəzetinin redaksiyasına gedərək nəşrin redaksiya şurası ilə görüşəcək. Onun Vaşinqtonda erməni təşkilatlarının və ABŞ-dakı erməni icmasının nümayəndələri ilə görüşü də planlaşdırılıb.
