Modern.az

50 müştəri “Unibank”dan mobil telefon qazandı

50 müştəri “Unibank”dan mobil telefon qazandı

8 Oktyabr 2010, 17:52

Bu gün “Unibank”da pul köçürmələrini göndərən və alan müştərilər arasında keçən “QƏŞŞŞŞƏNG” lotereya kampaniyasının 1-ci tirajı keçirilib.

“Mobitel” şirkətinin dəstəyi ilə təşkil olunan bu aksiyada sentyabr ayındakı təcili pul köçürmələri əməliyyatları aparan 50 müştəri “Nokia Supernova 7210” mobil telefonları qazanıb. Bütün qaliblər müstəqil müşahidəçilərin iştirakı ilə təsadüfi kompüter seçimi üsulu əsasında müəyyən olunub. Onların tam siyahısı “Unibank”ın rəsmi saytında (www.unibank.az) və “ZAMAN-Azəri” qəzetinin 9 oktyabr tarixində çıxan nömrəsində açıqlanacaq.

Azərbaycan Respublikasının Qiymətli Kağızlar üzrə Dövlət Komitəsində qeydiyyatdan keçən lotereyanın şərtlərinə əsasən, ən azı 300 USD, EUR və ya 9000 RUR həcmdə təcili pul köçürməsi göndərən və ya alanlar uduşların oynanılmasında iştirak edirlər. Nəticədə, ötən ayın yekunlarına görə Bankın 4275 müştərisi “QƏŞŞŞŞƏNG” kampaniyasına qoşularaq, lotereyada iştirak üçün 13 860 şanz qazanıb.

Qeyd edək ki, 300 USD, EUR və ya 9000 RUR məbləğində olan hər bir pul köçürməsi uduş üçün 1 şans verir. “Unibank” tərəfindən bu şansların sayı məhdudlaşdırılmadığından, yuxarıda göstərilən məbləğdə pul köçürmələrinin sayı artdıqca, lotereya iştirakçılarının şanslarını da artırır. “QƏŞŞŞŞƏNG” kampaniyası çərçivəsində Unibankla pul köçürün və ya alın, Mobitel zəmanətli Nokia Supernova telefonları qazanın!!” tirajlı stimullaşdırıcı lotereyanın növbəti tirajı noyabrın 10-da Bankın baş ofisində keçiriləcək. Xatırladaq ki, loterayının məcmu uduş fondu 24 min AZN təşkil edir.

Hazırda “Unibank” səkkiz pul köçürmələri sistemi - “Western Union”, “Faster”, “Xpress Money”, “Bıstraya Poçta”, “Coinstar”, “BLİZKO”, “Zolotaya Korona”, “Contact” ilə işləyir. 2009-cu ildə Bankda, fiziki şəxslərin pul köçürmələri üzrə dövriyyəsi, 2008-ci illə müqayisədə 27,5% artaraq, 25,5 mln. AZN-a çatmışdır. Bu ilin yanvar-sentyabr aylarının yekunlarına görə isə, “Unibank”da pul köçürmələrinin həcmi, ötən ilin 9 ayı ilə müqayisədə 94% artmışdır.

Modern.az

Instagram
Gündəmdən xəbəriniz olsun!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi