Amerikanın “Vaşinqton Post” qəzeti son Türkiyə-ABŞ müqaviləsinin Şimali Suriyada faktiki olaraq bir təhlükəsiz bölgə elanını nəzərdə tutduğunu bildirib. Modern.az-ın xarici KİV-ə istinadən verdiyi xəbərə görə, qəzet məqaləsində iddia edilir ki, İraq-Şam İslam Dövləti (İŞİD) terror təşkilatından təmizlənəcək və Fərat çayından başlayıb təxminən 110 km qərbə, 60 km dərinliyə çatacaq təhlükəsiz bölgə Hələb vilayətinə uzanacaq və Suriya müxalifətinin nəzarətinə veriləcək. Xəbərə görə, bu sahə Türkiyəyə qaçan suriyalılar üçün də təhlükəsiz bölgə ola bilər.
