“İslam dövləti” terror təşkilatı (İŞİD) ilə mübarizə “taktiki dalana” dirənib. Modern.az saytı xarici KİV-ə istinadən xəbər verir ki, bunu ABŞ Silahlı Qüvvələrinin Birləşmiş Qərargah Rəisləri Komitəsinin rəhbəri Martin Dempsi bildirib.
Onun sözlərinə görə anti-İŞİD koalisiyasına qoşulan dövlətlər ekstremistlərin təchizatlarını kəsməyə müvəffəq olsalar da, problemlər qalmaqda davam edir.
Martin Dempsi İŞİD-lə mübarizənin çətinləşməsinə görə İraq hakimiyyətini də ittiham edib:
“İraq hərbi rəhbərliyindən dəyişiklik oldu. Lakin onlar problemlərlə rastlaşırlar. İraq rəhbərliyində daxili çəkişmələr davam edir”.
Aqşin Kərimov