“Taliban” terror qruplaşmasının yaradıcısı və lideri Molla Ömər Əfqanıstanda təbii səbəbdən ölüb. Modern.az-ın xarici KİV-ə istinadən verdiyi xəbərə görə, bunu onun oğlu bəyan edib və atasının müəmmalı ölüm səbəbləri ilə bağlı şayiələrə son qoyulmasını istəyib.
“Taliban”ın üzvləri iyul ayında Molla Ömərin iki il əvvəl öldüyünü təsdiq ediblər.
“Mən sizi inandırmaq istəyirəm ki, o, təbii ölüm nəticəsində dünyadan köçüb. O, neçə müddət idi xəstəydi. O, Hepatitdən S-dən əziyyət çəkirdi. Atam hətta ABŞ-ın müdaxiləsindən sonra Əfqanıstanda qalmışdı. O, orada ölüb və orada dəfn edilib”, - Molla Ömərin böyük oölu Məhəmməd Yaqub deyib.
Oğlu onu da əlavə edib ki, atası heç kimi yerinə varis kimi təyin etməyib.
Modern.az
