Əsgərliyini başa vurduqdan sonra gəldiyi Bursada rahatsızlaşan Abdullah Kozan 47 il öncə Muradiye dövlət xəstəxanasına müalicə olunmağa gedib. Modern.az Türkiyə mediasına istinadən bildirir ki, qısa zamanda xəstəxana rəhbərliyinin sevgisini qazanan və xəstəxanada qalmasına razılıq verilən Abdullah Kozan bir daha oradan çıxmayıb.
Şəkər və astma xəstəliyinə tutulan Abdullah Kozanı həkimlər və xəstəxana rəhbərliyi oradan çıxarsa da, yenidən qayıdırmış. İllərini xəstəxanada keçirən Kozan keçən həftə cümə günü 47 il qaldığı xəstəxanadan rahatsızlaşaraq həyatını itirib. O, doğulduğu İnegöldə dəfn edilib.
Modern.az