Bu gün deputat Pənah Hüseynin ad günüdür. Azərbaycan Respublikasının keçmiş Baş nazirinin 53 yaşı tamam olur. Pənah Hüseyn 1957-ci il oktyabrın 28-də Sabirabad rayonunun Qaraqaşlı kəndində anadan olub. Azərbaycan Dövlət Universitetinin tarix fakültəsini bitirib.
1980–1983-cü illərdə Sabirabad rayonunda kənd orta məktəbinin müəllimi, tarix muzeyinin elmi işçisi olub. 1986-cı ildən Azərbaycan EA-nın Fəlsəfə və Hüquq İnstitutunda laborant, kiçik elmi işçi, elmi işçi vəzifələrində çalışıb. Azərbaycan Xalq Cəbhəsinin İdarə Heyətinin üzvü olub.
AXC hakimiyyətə gələndən sonra, 1992-ci ildə Azərbaycan Respublikasının dövlət katibi, 1993-cü ildə Azərbaycan Respublikasının Baş naziri işləyib. 1993-cü ildə Sürət Hüseynovun hərbi qiyamı nəticəsində vəzifəsindən istefa verib.
Mərhum Heydər Əliyevin Naxçıvandan Bakıya dəvət edilməsinin təşəbbüskarlarından biri olub.
1993-cü ildəki qiyamdan sonra yazdığı “Günahımız məğlubiyyətimizdir” müəllif yazısında AXC iqtidarının süquqtunun səbələrini açıqlamışdı. Bundan sonra gizli həyat yaşayan Pənah Hüseyn bir də 3 ildən sonar,1996-cı ildə siyasi arenaya qayıdıb.
1996-cı ildə prezident Heydər Əliyevlə təkbətək 2 saatlıq görüşən Pənah Hüseyn o zaman medianın ən məşhur simasına çevrilə bilmişdi. Siyasi kampaniyaların ən fəal iştirakçılarından olan P.Hüseyn vaxtaşırı gözlənilməz təkliflərlə də gündəmdə qala bilib. Onun İslam prinsipləri əsasında müsəlman social-demokrat partiyasının yaradılması ideyası uzun müddət müzakirələrə səbəb oldu.
P.Hüseynin “Rəsul Quliyevi ya öldürməli ya da onunla işləməli” replikası siyasi çevrələrdə xatırlanır.
2005-ci ildə Milli Məclisin üzvü seçilən P.Hüseyn parlamentin ən qalmaqallı deputatlarından olub. 1997–2000-ci illərdə Azərbaycan MEA-nın Fəlsəfə və Hüquq İnstitutunun elmi işçisi oan deputat Azərbaycan Xalq Partiyasının da üzvüdür.
Milli Məclisin Təhlükəsizlik və müdafiə komitəsinin üzvüdür. Azərbaycan-Fransa, Azərbaycan-Gürcüstan, Azərbaycan-İran, Azərbaycan-Rusiya, Azərbaycan-Türkiyə parlamentlərarası əlaqələr üzrə işçi qruplarının üzvü olub.
Ailəlidir, 3 övladı var.
|
|
| 2 yaşlı Pənah atası ilə... |
|
|
| Yeniyetməlik dövrü... |
| |
| Ailəsi ilə birgə Moskvada... |
|
|
| Baş nazir Pənah Hüseyn... |
|
|
| 12 sentyabr 1998-ci il mitinqində… |
 |
| Bayıl türməsi, VI korpus (ölüm korpusu). Gəzinti sahəsi… |
|
|
| Deputat Pənah Hüseyn... |
