Rusiya aviasiyası Suriyanın İdlib əyalətində İŞİD silahlılarının təlim düşərgəsinin infrastrukturunu dağıdıb.Modern.az APA-ya istinadən bildirir ki, bunu jurnalistlərə Rusiya Müdafiə Nazirliyinin rəsmi nümayəndəsi general-mayor İqor Konaşenkov bildirib.
Onun sözlərinə görə, təyyarələrin Maaret ən Nüumən rayonunda endirdiyi zərbələr nəticəsində düşərgənin infrastrukturu tamamilə dağıdılıb.
“Aviasiya bombasının qeyd olunan obyektdə yerləşən silah-sursat anbarına dəqiq dəyməsi nəticəsində güclü partlayış baş verib. Partlayış silahlılara məxsus tikililəri və avtomobil texnikasını məhv edib”, deyə general qeyd edib.
Modern.az