Rusiyadan olan bir qrup jurnalist Suriyanın Salma şəhəri yaxınlığında minaatanla atəşə tutulub. Modern.az-ın xarici mediaya istinadən verdiyi xəbərə görə, reportyorlar 3 avtomobillə Suriya hərbçilərinin bir neçə gün əvvəl qızğın döyüşlər nəticəsində ələ keçirdikləri Əl Zuaek yüksəkliyinə gedəndə hücuma məruz qalıblar.
Jurnalistlərin olduğu birinci avtomobil yayına bilsə də, ikisinə “Əl-Nusra Cəbhəsi” nin yaraqlıları Nuba dağından minaatanlarla atəş açıblar. Üç nəfər qəlpə yarası alıb. Onlar TASS-ın müxbiri Aleksandr Yelistratov, eləcə də RT telekanalının jurnalistləri Sarqon Hadayya və Roman Kosarevdir. Hazırda yaralılar tibb məntəqəsindədirlər, həyatları üçün təhlükə olmadığı bildirilir.
Modern.az