Cənubi Afrika Respublikasının Şərqi Kapski əyalətinin kəndlərindən birində dəfn zamanı insanları ildırım vurub. Modern.az-ın xarici mediaya istinadən verdiyi xəbərə görə, nəticədə 6 nəfər ölüb, bir bu qədər də adam müxtəlif dərəcəli ağır xəsarətlə xəstəxanaya yerləşdirilib.
Şahidlərin sözlərinə görə, dəfn zamanı güclü yağış yağıb. Kənd sakinləri qəbiristanlıqdan qayıdanda ildırım bir dəstə adamı vurub. 4 nəfər hadisə yerində, ikisi də xəstəxanada ölüb. Xəsarət alan digər 6 nəfərin vəziyyətinin stabil olduğu bildirilir.
Rəsmi məlumata görə, Cənubi Afrika Respublikasında ildə 100-ə yaxın adam ildırım vurması nəticəsində həlak olur.
Modern.az
