II Dünya Müharibəsi illərində Leninqradın müdafiəsi zamanı qəhrəmancasına döyüşən hərbi pilot Hüseynbala Əliyevə həsr olunan “Qafqaz qartalının uçuşu” sənədli filmi noyabrın 25-də Beynəlxalq Muğam Mərkəzində Bakı tamaşaçılarının mühakiməsinə çıxarılacaq. Modern.az Mədəniyyət və Turizm Nazirliyinə istinadla xəbər verir ki, ilk baxışda filmin yaradıcı qrup üzvləri, o cümlədən rusiyalı qonaqlar iştirak edəcəklər. Filmin rejissoru Tahir Əliyev, ssenari müəllifi Valentina Qurkalenko, operatoru Maksim Konavalçuk və Elxan Rüstəmov, prodüserləri Böyükağa Məmmədov və Vladimir Bajindir.
“Salnamə” və Sankt-Peterburqun “Lennauçfilm” studiyalarının ilə birgə istehsal etdikləri “Qafqaz qartalının uçuşu” filminin Sankt-Peterburqda bir müddət əvvəl təqdimatı keçirilib.
Modern.az