Demokratik İslahatlar Partiyasının Siyasi Şurası 7 noyabrda keçirilən parlament seçkilərinin nəticələrini müzakirə edib. Müzakirələr zamanı partiyanın parlament fəaliyyəti, «Demokratiya» bloku ilə gələcək əməkdaşlıq perspektivləri ətrafında fikir mübadiləsi aparılıb. Ölkədəki zəruri islahatlar, dünyada Azərbaycanın mövqeyinin müdafiəsi, Qarabağ probleminin həlli və digər prioritet məsələlərlə bağlı partiyaların fəaliyyətinin koordinasiya edilməsinin vacibliyi qeyd olunub.
Siyasi Şura həmçinin partiyanın qarşıda duran vəzifələri, 2011-ci ilin fəaliyyət istiqamətləri ilə bağlı fikir mübadiləsi aparıb.