Müğənni Mətanət Əsədovanın internetdə onu təhqir etdiyi üçün məhkəməyə verdiyi keçmiş “Nida”çı Elsevər Mürsəlli həbs edilib.
Bu barədə “Qafqazinfo”ya M.Əsədovanın vəkili Ceyhun Yusifov məlumat verib.
O bildirib ki, Xaçmaz rayon məhkəməsi E.Mürsəlli haqda 6 ay şərti cəza qərarı çıxarsa da, bu gün Sumqayıt Apellyasiya Məhkəməsində həmin qərar ləğv edilib və E.Mürsəlli barəsində 3 ay müddətinə azadlıqdan məhrumetmə cəzası seçilib. E.Mürsəlli Şüvəlan qəsəbəsində yerləşən 3 saylı Bakı İstintaq Təcridxanasına köçürülüb.
Qeyd edək ki, Elsevər Mürsəlli bir müddət bundan qabaq özünün internet səhifəsində Mətanət Əsədova və onun həbsdə olan bacısı haqqında qeyri-etik sözlər işlətmişdi.
Modern.az
